وفقاً للعالم الحالي و وفقاً لأحدث المصادر فإن الأزمة المالية العالمية أتت كي تزيد الطين بلة..و تؤدي للمزيد من المشاكل العالمية..خاصة فيما يتعلق بالأزمة الغذائية.
هذه الأزمات لم تسلم منها أية دولة و خاصة من بلدان العالم الثالث و نظراً لهذا الموضوع الشائك وجدت بعض الطرق لتسوية هذه المشكلات العالقة منذ أعوام و أعوام...
أحدها الطريقة التي وجدتها حكومتنا الكريمة... أو بالأحرى ..بعض أفراد شعبنا الكريم...
و منها.. النقص في كمية اللحوم و بالتالي زيادة سعر الكيلو غرام الواحد منها...
يعني بصراحة.." تبرير" و كما يقال : عذر أقبح من ذنب
وفي الحقيقة فإنه و بحسب توقعاتي لا يوجد نقص في مادة : "اللحمة" و ذلك نظراً لوجود عدد هائل من "البشر"....أأاااا عفواً "الخواريف و العجول " "نفس الشي ..لأن الاتنين عميعاملوهون نفس المعاملة"
المهم....يا سادة يا أكارم...
نظراً للطلب الهائل و المتزايد من قبل بيوت و قصور المسؤولين و التجار .....فإن هناك نقص بهذه المادة....و بالتالي لا بد من إيجاد بديل...و لما طرحت هذه المسألة العويصة على أصحاب القرار من " المسؤولين و التجار " و بعد مشاورات و أخد و عطا و شد و مط وجدوا الحل التالي :
الحل البديل : و هو أنه : إذا لم تكن قادراً على شراء اللحمة...فنحن " التجارو المسؤولين " مستعدون لإعطائكم المرقة الناتجة عن غلي اللحمة..." يعني أحسن ما تنكب بالبلوعة " هيك أفيدلكون و نحنا منكون كسبنا خير...
يعني الحمدلله....الله سبحانه و تعالى عطف علينا بهالـ ....كم ...واحد....
أنو اشربو مرقة اللحمة..ضروري تاكلو لحمة؟؟؟
ليش هالبطر؟؟؟ كترة اللحمة بتضر..و كتر أكل اللحمة بتسبب بدانة...و شو بدكون بالبدانة..خليكون رشيقين...شوفو نحنا كل واحد ناتع هالكرش قدامو و ما بيعرف وين بدو يروح فيه...
و إذا ما بدكون تشربوها للمرقة شرب....فينكون تغمسوا فيها خبز...و هيك بيطلع عندكون خبز بنكهة لحمة.....إي نحنا ما صارتلنا... و فيكون تتفننو بالباقي...عطيناكون مثال...معقول أنتو يا هالبقر.. عفواً البشر.. ما بيطلع معكون طرائق أَخرى ...بقصد أُ خرى..؟؟؟؟؟
يعني و فتوها....
سبحانك يا الله ما أوسع رحمتك....
لولاهون شو كان صار فينا...
نظرية التكييف و التبريد صيفاً بوجود ظاهرة " الاحترار – الدفيئة - ....."
0 comments:
Post a Comment